Descrizione

Unu sordadu partit pro sa Gherra manna de su ’15-18, arruoladu in sa Brigada Tàtari. Commente sardos meda, no at a torrare prus a sa terra nadia. L’at a torrare a bìdere cun sos ogros de Caderina, una crotzerossina chi l’at assìstidu cun amore in s’ispidale de campu, bènnida a Sardigna pro connòschere sos parentes suos. In su contu, Nangu, unu giòvanu vitale e balente, iscoberit su mundu ipòcrita de sa gherra, in ue ti ochient si no ochies, in ue sos machines de sos òmines giogant cun sa vida de sos innotzentes. Ma connoschet s’amore puru…