Descrizione

 Unu giòvanu remitanu – Jesús Deulofeu Amat – bivet collende biscu, linna sica, frùtora e cugumeddu bendende·los a sa gente comente capitat, ma faghende pagos afàrios. Semus in Catalugna in sos tempos malos a pustis de sa gherra de Ispagna. Una die lompet a su litu de Sant Gregori e, a pustis de oras de chirca de badas, s’arreschet in una lascura isulada chi paret màgica e in ue b’at un’opinu meastosu. S’àrbore agantzat sa manu de s’òmine cun su biscu suo, tratende·lu e faghende·li bìvere una vida istesiada dae sos bisòngios umanos, ma ligada a sa sua. Finas a cando, setant’annos a pustis, no l’iscoberint…